Contact

Regiun Engiadina Bassa/Val Müstair

Uffizi da stadi zivil
Chasa du Parc
CH–7550 Scuol
Telefon: +41 (0) 81 861 00 08
E-Mail: stadicivil@ebvm.ch

Impressum

Per la procedura da preparaziun da la maridaglia es cumpetent l'uffizi da stadi civil illa Regiun dal cumün da domicil da la spusa o quella dal spus. Scha tuots duos spus vivan a l'ester, lura es respunsabel l'uffizi da stadi civil chi dess manar tras la maridaglia in Svizra. Per la procedura da preparaziun per la maridaglia douvra la preschentscha persunala dal pêr sül l'uffizi da stadi civil. Per quist intent As supplichain nus da fixar ouravant ün termin.

Ün termin per maridar l'on prossem po gnir fat il plü bod a partir dal avuost via telefon pro l'uffizi da stadi civil. (+41 81 861 00 08)

Maridaglia da burgaisas e burgais Svizzers

Da princip bsögna ils seguaints documaints:

• Pass o carta d'identità
• Conferma da dmura (scha Vus eschat domicilià dadour il chantun Grischun)

Maridaglia da persunas estras
Nus Til/Tilla cusgliain gugent per telefon (+41 81 861 00 08) davart ils documaints necessaris.

Nozzas

La nozza po avair lö infra trais mais davo cha la procedura da preparaziun es gnüda fatta. Ils termins per maridar vegnan gugent comunichats sün dumonda. Suotvart chattan Els nos locals per maridar. 

La ceremonia da nozzas düra circa 15 fin 20 minuts. Sper las duos perdüttas pon esser da la partida eir otras persunas (confamigliars, cuntschaints, amis, fotograf e.u.i.). Il nomer dals giasts permiss variescha tuot tenor il local da nozzas.

Nozzas la sonda

Nozzas la sonda sun pussiblas adüna üna fin d'eivna pro mais. La sonda vain fixada sün basa da la prüma annunzcha pel mais correspundent. Las nozzas han lö adüna tanter las 09.30 e las 12.00.

Nozzas in ün oter uffizi da stadi civil Svizzer

Scha'l pêr giavüscha da gnir maridà in ün oter uffizi da stadi civil Svizzer, obtegna l'uffizi da stadi civil ün'autorisaziun da maridar davo la terminaziun da la procedura per preparar la lai. Quella vala 3 mais e sto gnir datta giò a l'uffizi da stadi civil dal lö da maridaglia.

Nozzas a l'ester

Per infuormaziuns davart üna maridaglia a l'ester po gnir consultà ün fögl d'infuormaziun pro l'uffizi federal da stadi civil.